Quba şəhərində Fətəli Xan küçəsində inşa ediləcək bu kompleks 0.83 hektarlıq ərazini əhatə edir. Layihə çərçivəsində ümumi sahəsi 8 000 m² olan iki funksional bina – zirzəmili 2 mərtəbəli D.O.S.T Mərkəzi və 4 mərtəbəli Peşə Hazırlığı Mərkəzi nəzərdə tutulmuşdur. Kompleksin planlaşdırılması xidmətlərin əlçatanlığını artırmaq, peşə təlimlərini müasir standartlara uyğun təşkil etmək və bölgə əhalisi üçün vahid sosial xidmət məkanı yaratmaq məqsədi daşıyır.

Quba şəhərinin mərkəzində yerləşən bu kompleks, regionda sosial xidmətlərin və peşə təlimlərinin keyfiyyətini yüksəltməyi hədəfləyən müasir bir layihə kimi hazırlanmışdır. Burada həm vətəndaşlara gündəlik sosial xidmətlərin göstərilməsi, həm də müxtəlif sahələr üzrə praktiki bilik və bacarıqların öyrədilməsi üçün xüsusi təlim mühiti yaradılır.