Geri
15.11.2023
2023-cü il 15 noyabr tarixində Azərbaycan Respublikasının Prezidenti Ilham Əliyev və birinci xanım Mehriban Əliyeva DOST İnklüziv İnkişaf və Yaradıcılıq Mərkəzinin “DOST EVİ” filialının açılış mərasimində iştirak ediblər.
Bu layihə Əmək və Əhalinin Sosial Müdafiəsi Nazirliyinin həyata keçirdiyi inklüziv inkişaf strategiyasının bir hissəsidir. Mərkəzin yaradılmasında əsas məqsəd müxtəlif sosial qruplardan olan insanların yaradıcılıq potensialını üzə çıxarmaq, onların cəmiyyətə inteqrasiyasını gücləndirmək və sosial rifahını artırmaqdır.
Təbiətə yaxın və sakit mühitdə yerləşən mərkəz inklüziv fəaliyyətlər, yaradıcılıq proqramları və sosial layihələr üçün əlverişli şərait yaradır. Eyni zamanda bu məkan bölgə sakinləri və ziyarətçilər üçün yeni sosial və mədəni imkanların formalaşmasına töhfə verir.
Paylaş:
Mərkəzin layihələndirilməsi zamanı funksionallıq, əlçatanlıq və inklüzivlik prinsipləri əsas götürülmüşdür. Layihələndirilən ümumi ərazi 0.733 hektar təşkil edir.
“DOST EVİ” filialı İsmayıllı rayonu ərazisində, **Baskal kəndi yaxınlığında yerləşir. Bu bölgə Azərbaycanın tarixi və mədəni irsi ilə seçilən ərazilərindən biridir.
Binanın ümumi tikinti sahəsi 2200 m² olmaqla 1 mərtəbəli şəkildə layihələndirilib. Bu memarlıq yanaşması bütün istifadəçilər üçün rahat hərəkət imkanını təmin edir və inklüziv dizayn prinsiplərinə uyğun planlaşdırılıb. Geniş açıq sahələr, funksional otaqlar və yaradıcı fəaliyyət zonaları mərkəzin əsas memarlıq xüsusiyyətlərindəndir.
DOST EVİ filialı inklüziv inkişaf və yaradıcılıq təşəbbüslərinin həyata keçirildiyi xüsusi mərkəzdir. Burada müxtəlif sosial qruplardan olan insanlar üçün təlimlər, yaradıcılıq dərsləri, sosial layihələr və inkişaf proqramları təşkil olunur.
Mərkəzin fəaliyyəti sosial inteqrasiyanı gücləndirməyə, insanların bacarıqlarını inkişaf etdirməyə və cəmiyyətin bütün üzvləri üçün bərabər imkanlar yaratmağa yönəlib. Bu təşəbbüs regionda sosial inkişaf və mədəni fəaliyyətlərin genişlənməsinə mühüm töhfə verir.
“RedLine Studio” Memarlıq və dizayn sahəsində fəaliyyət göstərən və bir çox uğurlara imza atmış memarlıq və dizayn studiyasıdır. Şirkətimiz 2020-ci ildə memarlıq və dizayn sahəsində fəaliyyətə başlamış və hal-hazırda bu sahədə yüksəlişdə olan ulduza çevrilməkdədir.